ОХУ-ын сөрөг хүчний удирдагч 2023 оны наймдугаар сард 19 жилийн хорих ял авчээ.
АНУ-ын Ерөнхийлөгч Жо Байден ОХУ-ын сөрөг хүчний удирдагч Алексей Навальныйгийн үхэлд Владимир Путиныг буруутгалаа. “Владимир Путин үүнд буруутай, Алексей Навальныйд тохиолдсон зүйл Путины харгислалыг илүү батлан харуулж байна” гэж тэрыээр хэвлэлд өгсөн ярилцлагадаа мэдэгдсэн байна.
Харин Кремлийн хэвлэлийн төлөөлөгч Дмитрий Песков Алексей Навальныйгийн үхэлд ОХУ-ын Ерөнхийлөгч Владитир Путиныг буруутгаж буй барууны удирдагчдын мэдэгдлийг үгүйсгэж, “Үүнийг огтхон ч хүлээн зөвшөөрөхгүй” гэсэн хариу мэдэгдэл хийсэн байна.
Үүнээс өмнө ОХУ-ын Төрийн Думын дарга сөрөг хүчний улстөрч Алексей Навальныйн үхэлд АНУ, Европын Холбоо буруутай гэж үзэж байгаагаа мэдэгджээ.
Арктикийн “Ик-3” шоронгийн захиргаа хоригдож байсан улстөрчийг нас барсныг зарласнаас хойш хэдэн цагийн дараа Думын дарга Вячеслав Володин “Алексей Навальныйн үхэлд Вашингтон, Брюсселийн эрх баригчид буруутай” гэж “Телеграм”-даа бичсэн байна.
ОХУ-ын сөрөг хүчний удирдагч Алексей Навальный 2023 оны наймдугаар сард 19 жилийн хорих ял авсан бөгөөд 12 дугаар сард Москвагийн шоронгоос Харп дахь “Ик-3” шорон руу шилжүүлээд байсан аж.
АНУ-ын Ерөнхийлөгч Жо Байден:
“Алексей Навальный авлига хээл хахууль, хүчирхийллийн эсрэг Владимир Путины Засгийн газрын хийж буй бүх муу муухай зүйлсийн эсрэг бат зогссон нэгэн байсан. Хариуд нь Владимир Путин түүнийг хордуулж, баривчилж, зохиомол хэрэгт ял үүрүүлж, шоронд суулгаж, тусгаарласан. Энэ бүхний дараа ч тэрбээр шоронгоос ч Владимир Путины бүх худал хуурмагийг зарласаар байсан. Тэрбээр үнэний дуу хоолой байсан. Алексей Навальныйгийн үхэлд Владимир Путин буруутай. Алексей Навальныйд тохиолдсон зүйл бол Владимир Путины харгислалын баримт нотолгоо юм. Хэн ч хохирох ёсгүй. АНУ-д ч, ОХУ-д ч дэлхийн хаана ч байсан, хэн ч хохирох ёсгүй. Украинд юу болж байгааг бид харж байгаа. Владимир Путин зөвхөн бусад улсын иргэдийг байгаа болгодог юм биш ээ. Тэр өөрийн улсын иргэддээ ч аймшигтай гэмт хэрэг үйлдсээр байна” гэж мэдэгдлээ.
