АНУ-ын Хүнс, Эмийн Захиргаанаас (FDA) хүн дээр туршилт явуулах зөвшөөрөл авч Neuralink анхны туршилтын субъектуудаа хайж эхэлсэн.
Элон Маскийн эзэмшдэг PRI ME Study гэдэг компанийн зургаан жилийн туршилт нь, Neuralink-ийн технологийг саажилттай хүмүүс дээр туршиж уг төхөөрөмжөө удирдаж сургах зорилготой. Тус компани нь 22-оос дээш насны, нуруу нугасны босоо гэмтэлээс шалтгаалсан квадриплеги буюу ALS өвчтэй, байнгын найдвартай асрагчтай хүмүүсийг зорилтоо болгосон.
Энэхүү, Нарийн робот суулгац нь тархи-компьютерийн интерфэйс гэсэн утгатай PRIME хэмээх Precise Robotically Implanted Brain-Computer Interface бүхий гурван зүйлийг нэг дор судлах зорилготой байгаа аж.
Neuralink-ийн чипийг тархиндаа суулгуулсан анхны өвчтний биеийн байдал сайн байгаа бөгөөд тэрбээр компьютерын хулганыг бодол санаагаараа удирдаж сурсан тухай тус стартапыг үндэслэгч Илон Маск мэдэгджээ. “Чамгүй ахиц дэвшил гарсан, өвчтөнд ямар нэг гаж нөлөө илрээгүй, бүрэн эдгэрч байна. Тэрбээр бодлоороо дэлгэц дээр курсорыг хөдөлгөж чадна” гэж И.Маск олон нийтийн Х сүлжээнд бичсэн байна. Одоо өвчтөн янз бүрийн туршилтыг үргэлжлүүлэн гүйцэтгэж байгаа бөгөөд хулганыг аль болох олон товшихыг оролдож байгаа ажээ.
Neuralink компани туршилтад оролцох хүмүүсийг бүртгэх зөвшөөрлийг есдүгээр сард авсныхаа дараа тархины чипээ эхний хүнд суулгаснаа өнгөрсөн сард мэдэгдсэн билээ.
