GOOGLE компани GMAIL болон YOUTUBE платформ дээр хоёр ба түүнээс дээш жил идэвхгүй байсан хаягуудыг устгах тухайгаа мэдэгдлээ.
Хэрэв та өөрийн аль нэг GOOGLE хаягийг удаан хугацаанд ашиглаагүй бол энэ долоо хоногт багтан ашиглахыг тэдний зүгээс зөвлөж байна, учир нь гэвэл удаан хугацаагаар идэвхгүй байсан хаягуудыг 12 сарын 1-ээс эхлэн устгах болсныг албан ёсоор зарлалаа.
Энэ нь тухайн Gmail болон GOOGLE хаягууд мөн тэдгээрт агуулагдах бусад мэдээллүүд (Photos, Docs, Drive, Meet Calendar) мөн устах юм байна.
Хэрэв хэрэглэгч өөрийг хаягт нэвтэрч, имэйл унших, илгээх, YouTube-ийн видео үзэх, Google-ийн хайлтыг ашиглах зэрэг үйлдлийн аль нэгийг нь хийвэл бүртгэлийг идэвхтэй хэвээр үлдэх боломжтой.
Устгах хаягуудад зөвхөн хувь хүний ашигладаг хаягууд багтах бөгөөд бизнесийн болон сургуулийн хаягуудад хамааралгүй байхаар зохицуулалт хийгдсэн байна.
Энэхүү арга хэмжээг авах болсон шалтгаанаа “системийн аюулгүй байдалтай холбоотой мөн удаан хугацаанд ашиглагдаагүй хаягуудын ихэнх нь хоёр алхамт баталгаажуулалтгүй байгаа нь аливаа төрлийн цахим халдлагад өртөх магадлалыг 10 дахин нэмэгдүүлдэг” хэмээн тайлбарлажээ.
Эх сурвалж: The New York Times
