Н.Номтойбаяр нарт холбогдох хэргийн шүүх хуралдаан Чингэлтэй дүүргийн Эрүүгийн хэргийн анхан шатны шүүхэд өнөөдөр /2020.06.26/ боллоо.
Шүүхээс уг хэргийн шүүх хуралдааныг долоодугаар сарын 2-н хүртэл хойшлуулсан бөгөөд Н.Номтойбаярт авсан цагдан хорих таслан сэргийлэх арга хэмжээг хэвээр үлдээсэн байна. Энэ талаар шүүхээс мэдээлэл өглөө.
Шүүгдэгч Н.Номтойбаяр, Б.Нямдаваа нар нь өмгөөлөгч Х.Базаррагчаагаас татгалзаж, шинээр өмгөөлөгч авах хүсэлт тус тус гаргасныг шүүх хүлээн авч, шүүх хуралдааныг 2020 оны долоодугаар сарын 2-ны өдрийн 10:00 цагт дахин товлосон байна.
Шүүх хуралдаанаар шүүгдэгч нарт урьд авсан таслан сэргийлэх арга хэмжээг тус тус хэвээр үлдээжээ.
