Цагдаагийн ерөнхий газраас (ЦЕГ) Оюу толгойн зэсийн баяжмалын тээвэрлэлтийн замыг хааж, эсэргүүцэл илэрхийлсэн иргэдийн үйлдлийг Зөрчлийн тухай хуулиар шалгаж эхэлснээ мэдэгдлээ. Хуулийн дагуу иргэд үзэл бодлоо илэрхийлэх эрх нь нээлттэй боловч стратегийн ач холбогдолтой авто замын хөдөлгөөнийг хааж, аж ахуйн нэгжийн хэвийн үйл ажиллагааг алдагдуулахыг хориглодог болохыг ЦЕГ-аас онцгойлон анхааруулсан байна.
