Монгол Улсын Засгийн газрын 2025 оны 121 дүгээр тогтоолоор “Газар эзэмших, ашиглах эрхийн гэрчилгээ олгох журам” шинэчлэн баталсан.
Ийнхүү газартай холбоотой иргэд, аж ахуйн нэгжийн хүсэлтийг цахимаар хүлээн авч, түргэн шуурхай шийдвэрлэх дээрх журам хэрэгжиж эхэлжээ.
Шинэ журмаар газар эзэмших, ашиглах эрхийг
- шинээр олгох,
- бусдад шилжүүлэх,
- эрхийн гэрчилгээний хугацаа сунгах,
- газар ашиглалтын зориулалт өөрчлөх,
- эзэмшил газрын хэмжээ, байршил өөрчлөх,
- нэгж талбар нэгтгэх, хуваах,
- газрын эрхийн төрөл өөрчлөх,
- сервитут бүртгэх зэрэг газартай холбоотой нийт 27 төрлийн хүсэлтийг хүлээн авах боломж бүрдсэн байна.
Иргэд, хуулийн этгээдүүд уг хүсэлтийг www.egazar.gov.mn цахим систем болон egazar гар утасны аппликейшнээр дамжуулан илгээх бөгөөд холбогдох хууль тогтоомжийн дагуу өргөдлийн төрлөөс хамааран 1-5 хоногийн дотор шийдвэрлэхээр зохицуулжээ.
