МӨРИЙТЭЙ ТОГЛООМ ТОГЛУУЛДАГ 35 ХҮНИЙ БҮРЭЛДЭХҮҮНТЭЙ Э-ИЙН БҮЛЭГЛЭЛ, 28 ХҮНТЭЙ Г-ИЙН БҮЛЭГЛЭЛИЙГ СААТУУЛААД БАЙНА
Өнөөдрийн байдлаар гадаад улсаас цахим мөрийтэй тоглоом тоглуулдаг гурван бүлэглэлийг илрүүлж, холбогдох сэжигтнүүдийг “Шувуу” ажиллагааны хүрээнд албадан авчирч цагдан хориод байна. Үүнд:
Э-ийн бүлэглэл 35 хүнтэй
Г-ийн бүлэглэл 28 хүнтэй
Б-ийн бүлэглэл 18 хүнтэй
Эдгээр бүлэглэл бусдыг санхүүгийн хүнд байдалд оруулдаг, маш олон иргэнийг хохироодог, сэтгэл санаагаар хохироож амиа хорлох нөхцөл байдалд оруулдаг аюултай гэмт хэрэг үйлдсэн байж болзошгүй байна.
Өнөөдрийн байдлаар “Торгоны зам” нэртэй мөрийтэй тоглоомтой холбоотой 5 иргэний 10 данс, “Хос тамга” тоглоомын 11 иргэний 20 дансны шилжилт хөдөлгөөнийг хязгаарлажээ.
Цагдаагийн байгууллага ийм төрлийн гэмт хэргийн эсрэг “Хяналт-1”, “Хяналт-2”, “Хар сүлжээ” ажиллагааг явуулж байна.
