“S&P 500 Index”-ийн 7.25 хувийг “Microsoft” дангаараа бүрдүүлж байна
Microsoft” компанийн хувьцааны ханш 1.7 хувиар өсөж, зах зээлийн үнэлгээ нь гурван их наяд ам.доллар хүрлээ. Ингэснээр “Apple” компанийн үнэлгээг түр хугацаанд давсан нь анхаарал татаж байна.
Хэдий тийм боловч лхагва гарагийн арилжаа хаах үед ханшийн өсөлт нь 0.9 хувь руу буурч, зах зээлийн үнэлгээ нь 2.99 их наяд ам.долларт тогтжээ.
Өнгөрсөн онд тус компанийн зах зээлийн үнэлгээ 57 хувиар өсөж байсан юм. Харин энэ он гарсаар өсөлт нь 7.1 хувьтай байна. Одоогийн байдлаар “S&P 500 Index”-ийн 7.25 хувийг “Microsoft” дангаараа бүрдүүлж байгаа аж.
Хиймэл оюун болон үүлэн тооцооллын үйлчилгээний эрэлт эрчимжих төлөвтэй байгаа нь “Microsoft”-ийн урт хугацааны өсөлтөд дэмжлэг үзүүлэхээр байна.
Мөн энэ онд тус компанийн борлуулалтын орлого 15 хувиар өсөх тооцоотойг “Bloomberg Intelligence”-ийн дата мэдээлэл харуулж байна. Энэ нь технологийн салбарынхаа өсөлтөөс давсан дүн болохоор байгаа юм.
