Ойрын өдрүүдэд цаг агаар эрс хүйтэрч, нийслэлд агаарын температур шөнөдөө 32-39, өдөртөө 27-30 хэм хүрч хүйтэрч байна. Ялангуяа, нэгдүгээр сарын 5-нд шөнөдөө дунджаар -36, өдөртөө -28 градус хүйтэн байв. Өнгөрсөн жилийн нэгдүгээр сарын эхний долоо хоногийн хамгийн хүйтэн өдөр -13, шөнөдөө -23 градусын хүйтэн хонож байж.
Арванхоёрдугаар сарын тухайд 29, 30-ны өдрүүд хамгийн хүйтэн буюу шөнөдөө дунджаар -33, өдөртөө -27 хэмийн хүйтэн байсан бол 2019 онд дээд тал нь шөнөдөө -32, өдөртөө -23 градус хүйтэн буюу энэ жилтэй харьцуулахад өдөр нь арай дулаан байжээ.
Харин манай орны хамгийн хүйтэн цэгүүдийн нэг болох Завхан аймгийн Тосонцэнгэл сумын тухайд 2020 оны нэгдүгээр сарын 3, 4-нд -42, өдөртөө -33 градус хүрч хүйтэрсэн бол 2019 оны эдгээр өдрүүдэд шөнөдөө -36, өдөртөө -25 хэмийн хүйтэн байсныг статистик харуулж байна.
Энэ сарын 10-наас ихэнх нутгаар хүйтний эрч суларна хэмээн Цаг уур, орчны шинжилгээний хүрээлэнгээс мэдээлээд байна.
