АТГ-ын Хяналт шалгалт, дүн шинжилгээний хэлтэс 2025 онд иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилд хамаарах 945 гомдол, мэдээллийг хянан шалгаж шийдвэрлэсэн.
Хянан шалгасан гомдол, мэдээллүүдээс 159 албан тушаалтанд холбогдох зөрчлийг тогтоосон бөгөөд үүний 75 нь гэмт хэргийн шинжтэй байж болзошгүй гэж үзэн, одоо Мөрдөн шалгах хэлтэст шилжүүлэн шалгаж байна.
Хяналт шалгалтаар зөрчилтэй болох нь тогтоогдсон 84 албан тушаалтанд сахилгын хариуцлага тооцуулахаар албан бичиг хүргүүллээ.
