Манай улс ирэх дөрөвдүгээр сарын 2-4-ний өдрүүдэд тусгай үүргийн онгоц нисгэж, БНСУ, Японоос 750 иргэнээ авч ирэхээр болсон. Тодруулбал, дөрөвдүгээр сарын 2-нд 08.00 цагт БНСУ руу, дөрөвдүгээр сарын 3-нд 01.30 цагт Токио руу, дөрөвдүгээр сарын 4-нд дахиад 08.00 цагт БНСУ руу нислэг үйлдэнэ.
Сөүл рүү нислэг үйлдэхэд БНСУ руу явах иргэд тасалбараа захиалаад тус онгоцоор явах боломжтой юм. Явах иргэдэд хандаж, МИАТ-ээс мэдээлэл гаргажээ.
МИАТ” БНСУ руу зорчих гэж байгаа хүн бүр гар утсандаа өөрийгөө оношлох-Эрүүл мэндийн яамны аппликейшныг (Self-Diagnosis-Ministry of Health and Welfare application) урьдчилан суулгасан байх шаардлагатай бөгөөд суулгаагүй тохиолдолд БНСУ-ын хилээр нэвтрүүлэхгүй болохыг анхаарна уу.
Тус аппликейшныг суулгасны дараа утасны дугаарын баталгаажуулалтыг Монгол Улсад хийх боломжтой ба паспортын дугаарыг БНСУ-д очсоны дараа баталгаажуулна.
Өөрийгөө оношлох аппликейшны ашиглах зааврыг БНСУ-ын ЭСЯ-ны доорх холбоосноос харах боломжтой.
