УИХ-ын ээлжит сонгуульд нэр дэвшсэн нэр бүхий зургаан иргэнийг шүүхийн шийдвэрийн дагуу цагдан хорьсон билээ. Эдгээрээс УИХ-ын гишүүн Ж.Эрдэнэбат Сэлэнгэ аймгаас нэгээр гарч ирсэн юм.
Эл явдлаас өмнө буюу 2019 оны сүүлчээр түүнийг прокуророос яллагдагчаар татаж, хэргийг шүүхэд шилжүүлээд байв. Энэ ч утгаараа яллагдагчаар татагдсан түүнд УИХ-ын гишүүний үнэмлэх олгох эсэх нь тодорхойгүй байсан.
Тэгвэл өнөөдөр Сонгуулийн ерөнхий хорооноос мэдээлэл хийх үеэрээ түүнийг сонгуульд ялсанд тооцож, нэрийг Монгол Улсын Ерөнхийлөгч болон УИХ-ын даргад хүргүүлж, улмаар гишүүний үнэмлэх олгоно гэдгийг мэдэгдлээ.
Ингэснээр 2016 оны сонгуулийн үр дүнд УИХ-ын гишүүн, Монгол Улсын Ерөнхий сайдаар томилогдсон ч хууль бус хэрэг үйлдсэн гэж прокурорын хаалга татсан Ж.Эрдэнэбат дахин УИХ-ын гишүүний халдашгүй бүрэн эрхтэй болох нь ээ.
